يوميات خروف

موضوع: يوميات خروف الثلاثاء أغسطس 10, 2010 7:52 am

]siz22=8]

الخروف يوم 29 ذو القعده

مرمى فوق السطح رميه الكلاب ومحدش بيبص فى وشه بقاله اكتر من سنه لما جاله
اكتئاب من ساعه ما اتولد محدش بيعبره الا كل يوم الصبح يرمولو الاكل وهو
ايه الاكل يا حبه عينى بخمسين قرش برسيم ياكلهم ويفضل مرمى فوق مبيعملش
حاجه ولانت ولا كبيوتر ولا حت اصحاب ولا حتى تليفزيون اكل ونوم واكل ونون
والدنيا فاضت بيه وقال انا حاسس والله ان انا عبأ على الناس دى شوف
البرسيم بقى تمنه كام النهارده وكل يوم ياكلونى بكام من ساعه ما اتولدت
وكل ده بلا هدف ولا غرض الناس دى مخلصه قوى وبيحبونى حب انا مشفتش زيه
بصراحه بس المثل بيقول ان كان حبيبك عسل متاكلهوش كله وكمان كل يوم برسيم
كل يوم برسيم مفيش لحمه قصدى فول او دره او اى حاجه ترم العضم الواحد خس
وعدم وبقى وشه قدم اللقمه انا قررت انى انتحر لانى حاسس ان الناس دى
تعبانه معايا كل يوم ياكلونى وانا مبعملش اى حاجه انا حاسس انى ملياش
لازمه وكمان البرسيم جاب اجلى وبوظ معدتى وقربت ابقى حمار خلاص انا هنتحر
بكره الصبح اول حاجه هعملها هنط من فوق السطح وكفايه بقى انا حملتهم زياده
عن طاقتهم يالله بقى انا هروح انام الوقت عشان اصحى الصبح فايق واعرف
انتحر كويس

يوم 1 ذو الحجه

الخروف ياااه ده انا راحت عليه نومه انا ورايا انتحار يالله
الخروف خلاص وقف على السور بتاع السطوح وبيبص من فوق وقال الوادع يا دنيا
مع السلامه وخلاص غمض عنيه ولسه خلاص هينط لقى صاحب البيت ومراته طلعو
المهم قال استنى شويه اما ينزلوا راحوا عليه وصاحب البيت قال لمراته
الخروف ده ماله خاسس كده انتوا مبتأكلهوش ولا ايه مراته قالتله هو البرسيم
بس قالها لا مينفعش انتو تجيبوله فول ودره وتاكلوه كويس خلاص العيد قرب
الخروف طار من الفرحه وقال اخيرا حس بالمعاناه بتاعى انا فرحان بس ايه
علاقه العيد بالاكل ايه ده معقول يكون قصده يوم العيد انهم هيـــ لا لا
هيجــــ معقول لا مش معقول هيــــجو لا مش قادر اصدق شكلهم عايزين يجوزونى
ياهوووووو
اخيرا حسوا بالمعاناه اللى انا فيها احمدك يارب هترحم من قعده القهاوى
والسنكحه مع الخرفان والاقى واحده احبها وتحبى وتشاركنى مشاعرى واحاسيسى
النبيله شويه والفول والدره جم وصاحب البيت قدمهم للخروف وهو فرحان
وصاحب البيت بيملس على ضهر الخروف وبطنه والخروف يقول يا سلام على الحنيه
والقلب الكبير ده انا لو ماما كانت عايشه مكانتش هتبقى احن عليه منك ربنا
يخليك يا حبيبى ده انت طلعت بوب والله ربنا ميحرمنيش منك يا حاج حسين

يوم 2 ذو الحجه

الخروف حاسس ان الاهتمام زاد وكل شويه الاولاد يطلعو ياكلوه بنفسهم وفرحان
قوى الحمد لله بقم بيحبونى دول بيعاملونى كانى واحد منهم مش ناقص الا
ينيمونى فى حضنهم ويقدمولى فى المدرسه ويجيبولى كمبيوتر كمان

يوم 3 ذو الحجه

حركه فى البيت والاكل بيزيد والاهتمام بيزيد والخروف عنيه بتدمع من الفرحه
على ويقول انا مش عارف ارد جمايلكم ازاى بس يالله بقى انا عارف انى محصلتش
وجذاب وكلكم بتحبونى ده انتو حتى بتجيبوا الجيران تتفرج عليه ويقولولكم ما
شاء الله الخروف بتاعكم سمين وحلو ( والله ما علمك ) وبتتباهو بيه قدام
الجيران

يوم 4 ذو الحجه

نفس الحال بيتكرر واهتمام ملحوظ واكل كتير ويطلعول يقعدوا جنبه وهما
بياكلوه والخروف مستغرب ومش عارف يفسر الحنيه الزايده دى بس اللى يلاقى
الدلع وميتدلعش يبقى ابن جذمه والوضع ده فضل لحد يوم 8 ذو الحجه

يوم 9 ذو الحجه

حس بحاجه غريبه شويه محدش جاله خالص يادوب الصبح جابوله
الاكل والنهارده كان ازيد شويه بس محدش طلعله بس اول ما المغرب اذن كلهم
طلعو يبصوا عليه والتعليقات اشتغلت الولد الصغير يقول يابابا الخروف بقى
سمين وجميل وهو يقول متشكر يا ميزو ده انت اللى قمر والبنت الصغيره تقول
الله شكله حلو قوى يا بابا والخروف يبتسم ويبص فى الارض ويقول
يا كوكى ربنا يخليكى متكسفونيش بقى ياجماعه الله خلاص بقى اصلى بنكسف
بسرعه كركركركركركر والراجل الكبير يقول خلاص بقى ان شاء الله على خيره
الله يالله بس اهم حاجه حد قال للراجل اللى هيجى الصبح مراته تقوله ايوه
انا قلتله وهو جاى قبل الصلاه الراجل قالها ازاى خليها بعد الصلاه وابو
الخرفان فاكر بقى المأذون هو اللى جاى ميعرفش اللى بيتدبرله هما قاعدين
يتفاوضوا على موته وهو مش فى الدماغ الست تقوله خليها قبل الصلاه قبل
الزيارات ما تهل علينا
ويبقى خير البر عاجله الراجل يقولها لا السنه انه يتدبح بعد الصلاه
والخروف مظقطط على الاخر ومدير وشه الناحيه التانيه عشان مكسوف ( اسم الله
عليكى ياقطه ) ومش مصدق نفسه اخيرا خلاص هتجوز ويبقى ليه بيت وعيال وهبقى
اب اخيرا هبقى اب واتلم واترحم من قعدتى وحدى فوف السطوح اعد النجوم هما
نزلوا بقى وهو قعد فوق يتخيل
ياترى هيجوزونى مين شاكيرا اللى على السطوح بتاع الجيران ايوه الخروفايه
دى اموره قوى يارب يجوزوهالى وكمان دى بتحبنى انا شايفها بتبصلى من فوق
السطوح وبامانه الخروفايه دى مزه قوى والفروبتاعتها بيضه قشطه وكمان
مليانه وتملى العين كده : وغير كل ده مشيتها تهبل وعنيها عسليه بس استنى
هنا ممكن يكونوا هيجوزوك بريتنى اللى على السطوح بتاع اونكل ميزو الله
بريتنى ده كمان جميله وقوامها يهبل وعليها صوت يخلى الواحد يرقص نيجر يارب
بريتنى على كل حال انا هشغل نفسى ليه هما قالو الراجل جاى بعد الصلاه يبقى
استنى وبكره مش بعيد يارب بكره ده يجى بسرعه والخروف قاعد بقى يسبسب فى
شعره ويظبط فى نفسه ومستنى الشمس تطلع

اليوم الموعود 10 ذو الحجه

الخروف قاعد مستنى بفروغ الصبر وهو فوق السطح مستنى بقى وجهز نفسه وكل
شويه يبص فى المرايه ويقول كده اشطه قوى ياسلام عليك يا معلم وانت متغندر
كده وهتجوز هتجوز انا خلاص هتجوز وهبطل ابص ع الخرفان وهظبط نفسى وابطل
ابص من على الحيطان يالله بس اللى مزعلنى ان يوم جوازى هيبقى يوم السنويه
بتاعه بابا اللى لسه تايه من سنه يوم ما صحيت فى يوم ذى ده وملقتهوش جنبى
بس يالله بقى ربنا يرجعه بالسلامه (( قال يعنى ابوه راح يعمل عمره ))
الخروف قاعد مستنى وبيبص من فوق السطوح وفجأه بيبص على السطح بتاع شاكيرا
لقى اربعه واقفين فوق وقال آه اكيد هيه شاكيرا وبياخدوا رأيها برضوا لازم
البنت تقول كلمتها راح بسرعه اتكسف وجرى عشان عنيه متجيش فى عنيها قال
يعنى وش كسوف الواد شويه وبعد خمس دقايق سمع صوت شاكيرا بتمأمأ بصوت عالى
قال اكيد بيقنعوها وهيه مش موافقه بس هيه الخروفات لازم تعلم الحبتين دول
فى الاول صحيح ياخى صدق اللى قال يتمنعن وهن الراغبات شويه ولقى شاكيرا
صوتها على خالص وقعدت تجرى قال
اخص عليكى يا شاكيرا مكانش العشم يا معفنه هما هيجوزوكى حمار ده انا خروف
قد الدنيا والبرسيم بطلته وبقيت باكل فول ودره هو انتى هتلاقى اروش من فين
على العموم انتى الخسرانه
ابقى اتجوزى الخروف كوستا المعفن جاركم ماهو شبهك اصلا انا عارف ان اللى
بتحبى هيه بريتنى حبيبتى شويه وبيبص على السطح التانى لقى مفيش صوت خالص
وهدوء قال يمكن شاكيرا اقتنعت بيبص على السطوح لقى خمسه ملمومين عليها
وهيه مش باينه منهم قعد يجى يمين وشكال وبيبص لقى منظر دم
قال لاااااااااا شاكيرا هما عملوا فيها ايه ياحرام هيه اتعورت من الجرى
وفجأه وفى اللحظه الحاسمه الخمسه بعدوا من قدامه والكادر اتفتح وفجأه بص
شاف شاكيرا مقتوله قعد يجرى على السطوح ويقول يا خرااااااابى يالهووووى
قتلوك يا شاكيرا قتلوكى يا شاكيرا الحقونى قتيل
قتيل ماءءءءءءءءءءءء ماء ماء ماءءءءءءءءءءءءءءء
شويه ولقى محدش اتلكم واصحاب البيت اللى فيه شاكيرا بيضحكوا وبيبصوا على
شاكيرا راح بص كده وقال هو فيه ايه قتلوا شاكيرا وساكتين كده ليه ده ظلم
ده حرام هيه عملت ايه يعنى عشان بوستها مره من على السطوح
قعد يفكر يفكر وفجأه قال آآآآآآه آآآآآآآآآآآآه يابنت الايه يا شاكيرا يا
واطيه عرررررررررفت قلتوكى ليه اه يا فاجره يا واطيه سلمتى شرفك لكوستا
اللى على سطوح الجيران
وانا كنت اشوفه عمال يمأمألك وانتى تمشى تتقصعى قدامه وتقعدى تغريه وهو
يقعد يرمشلك واخر مره لما قلتيله انا مباكلش الا برسيم راح رمالك شويه دره
ايوه يبقى هو ده كان التمن
بعنتى نفسك بشويه دره يا واطيه تستاهلى يا شكاره انتى ميتبكيش عليكى الحمد لله انى اكتشفت قبل الفأس ما تيجى فى الراس ربنا نجدنى منك
خلاص بقى هيه بريتنى بيبص على سطوح بريتنى لقى خمسه على سطح بريتنى ونفس
السيناريو اتكرر خمسه راحولها وزعيق ومأمأه وجرى والاخر الخمسه اتلفوا
حواليها وهيه سكتت قال
بقى اكيد اقنعوها اكيد بقى لا بريتنى غير شاكيرا بريتنى كانت بتحبنى كانت
كل شويه تغنى وانا ارقص على غناها الكادر اتفتح لقى الدم وبريتنى مقتوله
قال
آآآآآآآآآآآآآآآآآآآآآآآآآآآآآآآآآآآآآآآه يابريتنى يا خراب خرااااااااابى
يا لهوووووى يالهوى عليكى يا بريتنى يابريتنى ياعنيى عليكى ياختى ياقتيله
كوستا يا بريتنى
عملها الكلب معاكى انتى كمان ده مخلاش بقى ده الواحد يخاف على نفسه منه انا اخاف ارمى عليه السلام بعد كده
شويه وقعد فوق السطوح طيب هيجوزونى مين ولا مفهاش جواز بقى يالهوووووى
عليه وعلى سنينى السودا جت الحزينه تفرح ملقتلهاش مطرح بقى كده كله فى يوم
واحد بس ايه ده استنى هنا اشمعنى النهارده بالذات قتلوا شاكيرا وبريتنى
اشمعنى فى يوم واحد
مممممممممم
ممممممممممممممممممممم
اها وجدتها اكيد عشان لما واجهوهم انهم هيتجوزونى خافوا افقسهم ليله الدخله وتبقى الفضيحه فضيحتين قدامى وقدام الناس
لكن كده اديهم ماتو وخدهم الوبا خلاص بقى هروح اغير الفروه دى والبس
الفروه التانيه وخساره الجيل اللى حطيته والتظبيت اللى عملته وبعد الصلاه
ما خلصت بص لقى الخمسه اللى كانوا عند شاكيرا وبريتنى وصاحب البيت جايين
راح قال فى سره كده خلاص يا جماعه مفيش داعى تتأسفوا ولا تحكوا انا شفت كل
حاجه بعينى وانتم ملكومش ذنب فى حاجه هو نصيبى انا منحوس من يومى
يالله بقى خيرها فى غيرها ومش مهم جواز انا هعيش كده فردانى شويه بص لقى
راجل طلع سكينه وشاور عليه وقال هو ده يا حاج حسين راح قاله ايوه هو
راح الخروف قال ايه ده فى ايه شويه راح الراجل اللى معاه السكينه قال لاتنين معاه هاتوووووووووووووه
راح الخروف صوت وقال لاااااااااااااااااااااااااااا
لاااااااااااااااااااااااااااااا والمصحف ما انا والله ده كوستا انا لسه
خام وبشوكى ده انا اخرى بوسه وكمان مبعرفش ابوس ده انا بوستها من ودنها
والله حرااااااااااام هو يعملها وانا اتقتل بداله لا ده ظلم
هو يجرى وهما يجروا وراه لحد ما زنقوه فى الركن وجابوه الراجل طلع السكينه
من ورا ضهره والخروف بتاعنا يقول والله ما انا يا حاج حسين انت عارف انا
طول عمرى مستقيم وعمرى عينى ما اترفعت فى واحده من بناتك ابدا ولا بخرج من
باب البيت
طبعا كل ده بلغه المأمأه والراجل بيضحك وبيبص للخروف والخروف يقول هو فى
ايه هو الراجل ده عبيط ولا ايه انا هتقتل وهو بيضحك وكمان جايب عياله
يتفرجوا اه يا كلاب
شويه وسمع كلمه كده قبل ما الراجل يقتله سمع الست مرات الراجل بتقول الاكل
اللى كنا بنأكلهوله جاب فايده اهو واتملى لحم احنا هناكل فيه لحد شهرين
قدام
راح الخروف سكت وبصلهم بصه كده وقال يا ولاد الـــــــــــ بقى انتو كنت
بتأكلونى عشان بعيدن تاكلونى حرااااااام سيبونى يالهووووووووى
الحقونى ياعالم هيقتلونى ياهووووووووووه شويه والسكينه قربت من رقبته والراجل
قال حنان الله واكبر راح الخروف قاله مستعجل على الدبح ياللى يدبحك زمانك ادبح ياخويا ادبح يعنى هيه موته ولا اكتر ادبح
جايلك يا شاكيراااااااا جايلك يا بريتنى
منقوول[/size]

هههههههههههههههه جامده اووووى يا دولى يسلمو ايداك يا قمر بس الخروف صعب عليه اووووووى :Mrsom (7):

تسلم ايدك يادولتىىىىىىىىىىىىىىىى
بجد جميله جداااااااااااااااااااا
ههههههههههههههههههههه

موضوع: رد: يوميات خروف الأحد نوفمبر 07, 2010 7:23 am

وربنـــا عـــــثــل يـادولــلـى :g::

يسلــــموووو أيديكى ياقلبي جااااااااااااااامدهـ

**مــــونـــــس**

موضوع: رد: يوميات خروف الأحد نوفمبر 14, 2010 4:01 pm

يسلمووو بس ما قدر اشوفه كويس اللون وجع عنونى يسلمو دودو